http://www.globaltamilnews.net/rss.php Global Tamil News - RSS for News en-us admin@globaltamilnews.net (Admin) admin@globaltamilnews.net (Admin) http://www.globaltamilnews.net/tamil_news.php?nid=27849 http://www.globaltamilnews.net/tamil_news.php?nid=27849   3 நாள் விஜயமாக வடக்கிற்கு விஜயம் ஒன்றை மேற்கொண்டிருந்த மல்வத்த பீடாதிபதி திப்பட்டுவாவே ஸ்ரீ சுமங்கள தேரர் இன்று யாழ்ப்பாணத்திற்கு விஜயம் செய்திருந்தார். யாழ்ப்பாணத்து பனங்கருப்பட்டியில் ஆர்வம் கொண்ட அவர் நல்லூரில் அதனைக் கொள்வனவு செய்வதிலும் ஆர்வம் கொண்டிருந்தார் என ஜீரீஎன் செய்தியாளர் தெரிவித்துள்ளார். வன்னிப் பகுதியில் அமைப்பட்டுள்ள பௌத்த விகாரைகளின் மேம்பாடு மற்றும் ஆலோசனைகளை வழங்குவதற்காக வன்னிக்கு அவரது விஜயம் பிரதானமாக மேற்கொள்ளப்பட்டுள்ளது. நேற்று முழுவதும் வன்னிப் பகுதியான கிளிநொச்சி மற்றும் முல்லைத்தீவுப் பகுதிகளில் அண்மைக்காலங்களில் நிறுவப்பட்டு வரும் பௌத்த விகாரைகளை நேரில் சென்று பார்வையிட்டிருந்ததாக ஜீரீஎன் செய்தியாளர் உறுதிப்படுத்தி உள்ளார். இதன்பின் இன்றைய தினம் யாழ்ப்பாணத்திற்கு சென்றிருந்த அவர் நெல்லியடி மகாவித்தியாலயத்தில் யுத்த நடவடிக்கைகளால் பாதிக்கப்பட்ட ஒரு தொகுதி பாடசாலை மாணவர்களுக்கான கற்றல் உபகரணங்களை வழங்கினார். படையதிகாரிகள் பெருமளவில் இந்த நிகழ்வில் கலந்து கொண்டிருந்தனர். பின்னர் அவர் நல்லூர் ஆலயத்திற்கு சென்று அங்கு ஆலயச் சூழலையும் பார்வையிட்டார் எனவும் ராணுவ காவற்துறை பாதூப்பு அவருக்கு வழங்கப்பட்டிருந்ததாகவும் ஜீரீஎன் செய்தியாளர் கூறியுள்ளார். இந்த நிலையில் நல்லூர் ஆலயத்தை பார்வையிட்டு விட்டு அங்கிருந்து வெளியேற முற்பட்ட அவருக்கு நல்லூர் வாசலில் வைக்கப்பட்டடிருந்த பானங்கருப்பட்டியில் திடீர் ஆர்வம் வந்தது. இதனையடுத்து சுமார் 15 நிமிடங்கள் வாகனத் தொடரணி நிறுத்தப்பட்டு போக்குவரத்துகள் தடை செய்யப்பட்டு அவர் பனங்கருப்பட்டி கொள்வனவில் ஈடுபட்டிருந்தார். அண்மைக்காலமாக நல்லூர் பகுதியில் மக்கள் பெருமளவில் படையெடுத்து வருகின்ற நிலையில் பனங்கருப்பட்டி விற்பனை நல்லூர் பகுதியில் மேம்பட்டு உள்ளமை குறிப்பிடத்தக்க விடயம் என ஜீரீஎன் செய்தியாளர் சுட்டிக்காட்டியுள்ளார். Fri, 30 Jul 2010 00:58:38 -0500 http://www.globaltamilnews.net/tamil_news.php?nid=27848 http://www.globaltamilnews.net/tamil_news.php?nid=27848  கொங்கோவில் இடம்பெற்ற படகு விபத்தில் 140 பேர் கொல்லப்பட்டிருக்கலாம் என அச்சம் வெளியிடப்பட்டுள்ளது. பயணிகளையும், பொருட்களையும் ஏற்றிச் சென்ற படகொன்று குடைசாய்ந்து விபத்துக்குள்ளாகியள்ளது. கொங்கோவின் மேற்கு மாகாணமான பான்டுன்டுவின் கேசாய் குளத்தில் இந்த விபத்து இடம்பெற்றுள்ளது. அதிகளவான பயணிகளை ஏற்றிச் சென்றதனால் இந்த விபத்து இடம்பெற்றுள்ளதாகவும், 80 சடலங்கள் மீட்கப்பட்டுள்ளதாகவும் கொங்கோ அரசாங்க அதிகாரிகள் தெரிவித்துள்ளனர். கொங்கோவில் தரைவழிப் போக்குவரத்தை விடவும் நீர் வழிப் போக்குவரத்தே அதிகமாகக் காணப்படுவதாகத் தெரிவிக்கப்படுகிறது. குறிப்பாக அநேகமான பயணிகள் படகுகள் மற்றும் வள்ளங்களைப் பயன்படுத்தி போக்குவரத்தில் ஈடுபட்டு வருவதாகத் தெரிவிக்கப்படுகிறது. விபத்து இடம்பெற்ற குளத்தில் அதிகளவு நீர் காணப்படவில்லை எனவும், சேற்றில் சிக்கி பலர் உயிரிழந்திருக்கலாம் எனவும் குறிப்பிடப்படுகிறது. இதே மாகாணத்தில் கடந்த நவம்பர் மாதம் இடம்பெற்ற விபத்தில் 70க்கும் மேற்பட்டவர்கள் கொல்லப்பட்டிருந்தமை குறிப்பிடத்தக்கது. Thu, 29 Jul 2010 16:18:48 -0500 http://www.globaltamilnews.net/tamil_news.php?nid=27847 http://www.globaltamilnews.net/tamil_news.php?nid=27847 டெலோ அமைப்பில் இருந்து பிரிந்த மாற்று டெலோ அமைப்பினர் யுத்தம் காரணமாக இடம்பெயர்ந்த மக்களுக்கு காணிகள் பெற்றுக்கொடுத்தல், காணிகளில் கழிவறை வசதிகளை ஏற்படுத்திக் கொடுப்பதாக கூறி பாரிய மோசடியில் ஈடுபட்டுள்ளதாக வன்னி தகவல்களை மேற்கோள் காட்டி சிங்கள இணையத்தளம் ஒன்று தகவல் வெளியிட்டுள்ளது. அரசாங்கத்தின் அனுசரனையில் இயங்கும் இந்த மாற்று டெலோ அமைப்பினரால் ஆரம்பிக்கப்பட்டுள்ள போலியான கச்சேரி மூலம் இந்த மோசடிகள் அரங்கேற்றுப்பட்டு வருவதுடன் இவர்கள் அறவிடும் தொகையில் குறிப்பிடதக்களவு பங்கு அரசாங்கத்தின் அதிகாரிகளுடன் பகிர்ந்து கொள்ளப்படுகிறது எனவும் இந்த இணையம் தெரிவித்துள்ளது. இந்த மாற்று டெலோ அமைப்பின் பொறுப்பாளர் ஐரோப்பாவில் அரசியல் தஞ்சம் பெற்று அந்நாட்டு குடியுரிமை பெற்றவர். இவருடன் ஜெர்மனியில் குடிரிமை பெற்ற ஒருவரும் பிரித்தானியாவில் குடியுரிமை பெற்ற மற்றும் ஒருவரும்  சம்பந்தப்பட்டுள்ளதாக அந்த இணையத்தில் தெரிவிக்கப்பட்டுள்ளது. ( சிங்கள இணையத்தில் பெயர்கள் குறிப்பிடப்பட்டு உள்ள போதும் அவை இங்கு தவிர்க்கப்பட்டுள்ளன) அரசாங்கம் மன்னாரில் இடம்பெயர்ந்தவர்களுக்கு இலவசமாக வழங்கிய காணிகளுக்கே இவர்கள் பணத்தை அறவிட்டு, அப்பாவி தமிழ் மக்களை ஏமாற்றியுள்ளதாகவும் இந்த காணிகளில் பெரும் பகுதியை இவர்கள் தமது உறவினர்களுக்கு பங்கிட்டுள்ளதாகவும் தகவல்கள் தெரிவிக்கின்றன என அந்த சிங்கள இணையத்தளம் குறிப்பிட்டுள்ளது. எனினும் குற்றம்சாட்டப்பட்ட மாற்று டெலோ அமைப்பினர் மேற்கொண்டதாகக் கூறப்படும் மோசடிகளுக்கான ஆதரங்களை சிங்கள இணையம் வெளியிட்டு இருக்கவில்ல்லை. Thu, 29 Jul 2010 15:55:38 -0500 http://www.globaltamilnews.net/tamil_news.php?nid=27846 http://www.globaltamilnews.net/tamil_news.php?nid=27846   உத்தேச அரசியலமைப்பு திருத்தங்கள், தேர்தல் முறை மாற்றம், அதிகாரபரவலாக்கல் ஆகிய பொது நோக்கங்களில் ஒருமித்த கருத்தை ஏற்படுத்துவதற்காக வடகிழக்கிற்கு வெளியே தென்னிலங்கையிலே செயற்படும் தமிழ் கட்சிகளை ஒன்று திரட்டும் பணியிலே ஈடுபடவுள்ளதாக ஜனநாயக மக்கள் முன்னணியின் தலைவர் மனோ கணேசன் தெரிவித்துள்ளார். இது சம்பந்தமாக ஜனநாயக மக்கள் முன்னணி விடுத்துள்ள அறிக்கையில் தெரிவிக்கப்பட்டுள்ளதாவது, இலங்கை முழுக்க வாழும் தமிழ் பேசும் மக்களை பிரதிநிதித்துவப்படுத்தும் கட்சிகள் தேர்தல் நோக்கங்களுக்கு அப்பால் சென்று ஒன்று சேரவேண்டியது காலத்தின் கட்டாயமாகும். வடகிழக்கு கட்சிகளும், முஸ்லிம் கட்சிகளும் ஒன்றுகூடி பேச்சுவார்த்தைகளை முன்னெடுக்கவேண்டும். அதேபோல் வடகிழக்கிற்கு வெளியே வாழ்கின்ற மலையக இந்தியாவம்சாவளி மக்களை பிரதிநிதித்துவப்படுத்தும் கட்சிகள் ஒன்று சேரவேண்டும். இது எதிர்காலத்தில் தமிழ் பேசும் மக்களின் அனைத்து அணிகளும் ஒன்று சேர்ந்து எமது ஜனநாயக அபிலாசைகளை பெற்றுக்கொள்வதற்கு வழிகாட்டும். தென்னிலங்கை தமிழ் கட்சிகளை ஒன்று திரட்டும் பணியில் ஈடுபடுவதற்கு ஜனநாயக மக்கள் முன்னணி அரசியல் குழு தீர்மானித்துள்ளது. தேர்தல் முறை மாற்றம் என்பது குறிப்பாக வடக்கு, கிழக்கிற்கு வெளியே செயற்படும் சிறுபான்மை கட்சிகள் எதிர்நோக்கும் பாரிய சவாலாகும். இந்த பிரச்சினையில் நாம் எமது ஒருமித்த கருத்தை ஏற்படுத்தாவிட்டால் எதிர்காலத்திலே எங்களது பிரதிநிதித்துவம் பாரதூரமாக குறையக்கூடிய அபாயம் தெளிவாக   தெரிகின்றது. அதேபோல் உத்தேச அரசியலமைப்பு திருத்தங்கள், அதிகாரப்பரவலாக்கல் உள்ளிட்ட அரசியல் தீர்வு, பிரதேச செயலக மற்றும் கிரமசேவக பிரிவு எல்லைகள் மீள் சீரமைப்பு ஆகிய பிரச்சினைகள் தொடர்பாகவும் ஒருமித்த கருத்து தென்னிலங்கையிலே ஏற்படுத்தப்படவேண்டும். இலங்கை அரசாங்கத்திற்கும், இந்திய அரசாங்கத்திற்கும், இலங்கை விவகாரத்திலே ஈடுபாடுகொண்ட சர்வதேச சமூகத்திற்கும் வடக்கு கிழக்கிற்கு வெளியேயும் தமிழ் மக்கள் வாழ்கின்றார்கள் என்பது பற்றிய அறிவுருத்தல்களை வழங்கவும், எமது தரப்பு நியாயங்கள் தொடர்பில் ஒருமித்த குரலில் பேச்சுவார்த்தைகள் நடத்துவதற்கும் நாம் தயாராக வேண்டும். அதற்கான காலகட்டம் தற்போது உதயமாகிக்கொண்டிருக்கின்றது. எமது மக்களின் எதிர்காலத்தை பெரும்பான்மை கட்சிகள் கைகளில் ஒப்படைத்துவிட்டு நாம் இனிமேலும் அமைதியாக இருக்க முடியாது. இது தொடர்பில் ஆகஸ்ட் மாதம் இரண்டாவது வாரத்தில் முதல் சந்திப்பை தென்னிலங்கை தமிழ் கட்சிகள் மத்தியிலே ஏற்படுத்துவதற்கு ஜனநாயக மக்கள் முன்னணி ஆர்வம் கொண்டிருக்கின்றது. இது சம்பந்தமாக ஏனைய சகோதர கட்சிகளின் கருத்துகளை நாங்கள் எதிர்பார்கின்றோம். வவுனியா வாடி வீட்டில் தொங்கிய நிலையில் காணப்பட்ட சடலம் மீட்பு:‐ வவுனியா வாடி வீட்டில் தொங்கிய நிலையில் காணப்பட்ட சடலம் ஒன்றை நேற்று முன்தினம் இரவு காவற்துறையினர் மீட்டுள்ளனர். சிலாபத்தைச் சேர்ந்த 23 வயதான திலான் பண்டார என்பரே இவ்வாறு சடலமாக மீட்கப்பட்டுள்ளார். சில வாரங்களுக்கு முன்னர், வவுனியா வாடி வீட்டின் உரிமையாளர் கப்பம் பெறுவதற்காக கடத்திச் செல்லப்பட்ட சம்பவம் உட்பட கப்பம் கோரும் சம்பவங்களுக்கு எதிர்ப்பு தெரிவித்து, நேற்று முன்தினம் வவுனியாவில் கடையடைப்பு நடைபெற்றது. இதன் காரணமாக வாடி வீடு அன்றைய தினம் மூடப்பட்டிருந்தது. மூடப்பட்டிருந்த வாடி வீட்டில் தொங்கிய நிலையில் காணப்பட்ட சடலத்தை அங்கு பணியாற்றும் மற்றுமொரு ஊழியர் கண்டுள்ளார். இந்த மரணம் தற்கொலை எனக் கூறப்படுகிறது. எனினும் வவுனியா காவற்துறையினர் மேலதிக விசாரணைகளை நடத்தி வருகின்றனர். யுத்தம் நடைபெற்ற போது, ஆட்கள் காணாமல் போனமை ‐ தடுத்து வைக்கப்பட்டுள்ளமை தொடர்பிலான  500க்கும் மேற்பட்ட முறைப்பாடுகள் பதிவு:‐ யுத்தம் நடைபெற்ற போது, ஆட்கள் காணாமல் போனமை மற்றும் தடுத்து வைக்கப்பட்டுள்ளமை தொடர்பிலான  500க்கும் மேற்பட்ட முறைப்பாடுகள் வவுனியாவில் நேற்று நடைபெற்ற காவற்துறையின் நடமாடும் சேவையிடம் கிடைத்துள்ளதாக காவற்துறையினர் தெரிவித்துள்ளனர். வன்னி பிராந்தியத்திற்கான பிரதிக்காவற்துறை மா அதிபர் திபால் தல்பதாதுவினால் ஒழுங்கு செய்யப்பட்ட இந்த நடமாடும் சேவையில் செட்டிக்குளம் மெனிக்பார்ம் முகாம் மற்றும் மீள்குடியேற்றப்பட்ட பிரதேசங்களை சேர்ந்த மக்கள் பலர் கலந்துக்கொண்டனர். இந்த மக்களின் முறைப்பாடுகளை பதிவுசெய்துக்கொள்வதற்காக நூற்றுக்கும் மேற்பட்ட காவற்துறையினர் பணியில் ஈடுபடுத்தப்பட்டிருந்தனர். கிடைக்கபெற்ற முறைப்பாடுகள் பலவற்றிற்கு நேற்றைய தினமே தீர்வு பெற்றுக்கொடுக்கப்பட்டதாக காவற்துறையினர் குறிப்பிட்டுள்ளார்.   மாத்தளையில் புதையல் தோண்டிய போது  கைதுசெய்யப்பட்ட  சந்தேக நபர்கள் அரசியல் அழுத்தங்கள் காரணமாக விடுதலை : மாத்தளை ரத்தோட்ட பிரதேசத்தில் புதையல் தோண்டிய போது காவற்துறையினரால் கைதுசெய்யப்பட்ட  சந்தேக நபர்கள் அரசியல் அழுத்தங்கள் காரணமாக விடுதலை செய்யப்பட்டுள்ளனர். கிரிபத்கொடவில் இருந்து சென்று புதையல் தோண்டிய நபர்களே கைதுசெய்யப்பட்டிருந்தனர். இந்த புதையல் தோண்டிய நடவடிக்கையின் பின்னனியில் பிரபல மதுபான வர்த்தகரான நாடாளுமன்ற உறுப்பினர் லக்ஷ்மன் பெரேரா இருப்பதாக கூறப்படுகிறது. இவரின் உத்தரவுக்கு அமையவே சந்தேக நபர்களை காவற்துறையினர் விடுதலை செய்துள்ளதாகவும் தெரிவிக்கப்படுகிறது லக்ஷ்மன் செனவிரட்னவை கட்சியில் இருந்து நீக்குமாறு செயற்குழுவில் யோசனையை முன்வைக்க தயாராகி வருவதாக தகவல் : ஐக்கிய தேசியக் கட்சியின் தலைமை மற்றும் கட்சிக்கு அவதூறு ஏற்படும் வகையில் அண்மைகாலத்தில் பாதூரமான கருத்துக்களை வெளியிட்டுள்ள, அந்த கட்சியின் பதுளை மாவட்ட நாடாளுமன்ற உறுப்பினர் லக்ஷ்மன் செனவிரட்னவை கட்சியில் இருந்து நீக்குமாறு, ஐக்கிய தேசியக் கட்சியின் நாடாளுமன்ற உறுப்பினர்களில் ஒருவர் செயற்குழுவில் யோசனையொன்றை முன்வைக்க தயாராகி வருவதாக எதிர்க்கட்சித் தலைவர் அலுவலகத் தரப்பும் தகவல்கள் தெரிவிக்கின்றன. லக்ஷ்மன் செனவிரட்ன  கட்சியின் தலைமைத்துவத்தை விமர்சித்து, எழுதியுள்ள கட்டுரைகள், கடிதங்கள், அரசாங்கத்திற்கு சார்பான ஊடகங்களில் கட்சியில் பிளவை ஏற்படுத்தும் வகையில் வெளியிட்டுள்ள கருத்துக்கள் தொடர்பாக உரிய ஒழுக்காற்று நடவடிக்கை எடுக்கப்படாவிட்டால், எதிர்காலத்தில் கட்சியின் ஒழுக்கத்தை பாதுகாப்பது சிரமமானது என குறித்த நாடாளுமன்ற உறுப்பினர் தெரிவித்துள்ளார். ரணில் விக்ரமசிங்க இன்று நாடு திரும்பியது இது தொடர்பாக எழுத்துமூலம் கோரிக்கையை முன்வைக்க நாடாளுமன்ற உறுப்பினர் எண்ணியுள்ளதாகவும் அந்த தகவல்கள் மேலும் தெரிவித்தன. சேருநுவர  முனகஹ பகுதியில் கைவிடப்பட்ட வீடொன்றிலிருந்து ரி 56 ரக துப்பாக்கியொன்று மீட்பு :‐ திருகோணமலை ‐ சேருநுவர காவல்துறை பிரதேசத்தில் முனகஹ பகுதியில் கைவிடப்பட்ட வீடொன்றிலிருந்து ரி 56 ரக துப்பாக்கியொன்று மீட்கப்பட்டதாக காவல்துறையினர் தெரிவித்துள்ளனர். உரப்பையொன்றில் இடப்பட்டு, புதைக்கப்பட்டிருந்த இந்த துப்பாக்கியுடன் மகசின்களும் மீட்கப்பட்டுள்ளன. திருகோணமலை விசேட பணியகத்திற்கு கிடைத்த தகவலொன்றை அடுத்து மேற்கொள்ளப்பட்ட தேடுதலின்போது சேருநுவர, மாவல தோட்டம் பிரதேசத்தில் புதைக்கப்பட்டிருந்த இரண்டு க்ளைமோர் குண்டுகள், வெளிநாட்டில் தயாரிக்கப்பட்ட இரண்டு கைக்குண்டுகள் என்பனவும் மீட்கப்பட்டதாகவும் காவல்துறை ஒருவர் தெரிவித்துள்ளார்.  வெள்ளைக் கொடி தொடர்பான சரத்பொன்சேகாவிற்கு எதிராக கொழும்பு மேல் நீதிமன்றத்தில் இன்று குற்றப்பத்திரிகை தாக்கல்:‐ இறுதிக்கட்ட யுத்தத்தின் போது, வெள்ளைக் கொடிகளுடன் அரசாங்கத்திடம் சரணடையச் சென்ற விடுதலைப்புலிகளை சுட்டுக்கொல்லுமபாறு பாதுகாப்புச் செயலாளர் கோத்தபாய உத்தரவிட்டிருந்தாக தனக்கு அறியகிடைத்தது என ஜெனரல் சரத் பொன்சேக்கா, சன்டே லீடர் பத்திரிகைக்கு தெரிவித்திருந்தாக கூறப்படும் சம்பவம் தொடர்பில் பொன்சேக்காவுக்கு எதிராக கொழும்பு மேல் நீதிமன்றத்தில் இன்று குற்றப்பத்திரிகை தாக்கல் செய்யப்பட்டது.   குற்றப்பத்திரிகையின் பிரதிகள் பொன்சேக்காவுக்கு வழங்கப்பட்டன. இதனையடுத்து தீபாலி விஜேசுந்தர தலைமையிலான மேல் நீதிமன்ற நீதிபதிகள் வழக்கு விசாரணைகளை செப்டம்பர் மாதம் 27 ஆம் திகதிக்கு ஒத்திவைத்தனர். சரத் பொன்சேக்காவின் கைவிரல் அடையாளத்தை பெற்று அறிக்கையை பெற்றுக்கொள்ளுமாறும் நீதிபதிகள், நீதிமன்ற காவற்துறை அதிகாரிகளுக்கு உத்தரவிட்டனர். அதேவேளை எதிர்வரும் செப்டம்படர் 27 ஆம் திகதி வரை பொன்சேக்காவை சிறைச்சாலை அதிகாரிகளின் மேற்பார்வையில் இராணுவ காவலில் வைக்குமாறும் நீதிமன்றம் உத்தரவிட்டது. அத்துடன் சரத் பொன்சேக்கா நாடாளுமன்ற கூட்டங்களில் கலந்துக்கொள்ள இடமளிக்குமாறும் நீதிமன்றம் சிறையதிகாரிகளுக்கு உத்தரவிட்டுள்ளது.மூத்த பிரஜைகளின் வங்கி கணக்குகளுக்கு மேலதிக 20 சிறப்பு வட்டி வீதத்தை வழங்குவதாக அரசாங்கம் ஏமாற்று – திஸ்ஸ:‐ மூத்த பிரஜைகளின் வங்கி கணக்குகளுக்கு மேலதிக 20 சிறப்பு வட்டி வீதத்தை வழங்குவதாக கூறிய அரசாங்கம், நாட்டின் மூத்த பிரஜைகளையும் ஏமாற்றியுள்ளதாக ஐக்கிய தேசியக் கட்சியின் பொதுச் செயலாளர் திஸ்ஸ அத்தநாயக்க குற்றம்சுமத்தியுள்ளார். மூத்த பிரஜைகளுக்கு வழங்கப்பட்டு வந்த சிறப்பு வட்டி வீதத்தை அரசாங்கம் திடீரென ரத்துச் செய்துள்ளது. மத்திய வங்கியின் ஊடாக மூத்த பிரஜைகளின் வங்கி கணக்குகளுக்கு 20 வீத சிறப்பு வட்டி வழங்கப்படும் என அரசாங்கம் அறிவித்ததை தொடர்ந்தும் பெரும் எண்ணிக்கையிலானவர் தமது பணத்தை வங்கிகளில் வைப்புச் செய்தனர். பணத்தை பெற்றுக்கொண்ட அரசாங்கம் தற்போது அந்த வாக்குறுதியை மீறியுள்ளதன் மூலம் நாட்டின் மூத்த பிரஜைகளுக்கு அநீதி இழைத்துள்ளது எனவும் அத்தநாயக்க குறிப்பிட்டுள்ளார். கொழும்பில் நேற்று நடைபெற்ற ஊடகவியலாளர் சந்திப்பின் போதே அவர் இதனை கூறியுள்ளார். பல்கலைக்கழக மானியங்கள் ஆணைக்குழுவின் தலைவர் நாட்டின் அரசியலமைப்பை மீறி செயற்பட்டு வருவதாக குற்றச்சாட்டு:‐ இலங்கை பல்கலைக்கழக மானியங்கள் ஆணைக்குழுவின் தலைவர் நாட்டின் அரசியலமைப்பை மீறி செயற்பட்டு வருவதாக பல்கலைக்கழக விரிவுரையாளர்களின் சங்கம் குற்றம்சுமத்தியுள்ளது.  பல்கலைக்கழக விரிவுரையாளர்கள் நேற்று முன்தினம் மேற்கொண்ட அடையாள பணிப்புறக்கணிப்பில் கலந்துக்கொண்டவர்களின் ஒரு நாள் ஊதியத்தை வெட்டுமாறு மானியங்கள் ஆணைக்குழுவின் தலைவர் சுற்றுநிருபம் ஒன்றின் மூலம் அறிவித்துள்ளதாகவும் இதன் மூலம் அவர் நாட்டின் அரசியலமைப்பை மீறியுள்ளமை தெளிவாகி இருப்பதாக  பல்கலைக்கழக விரிவுரையாளர்கள் சங்கத்தின் தலைவர் பேராசிரியர் சம்பத் அமரதுங்க தெரிவித்துள்ளார். இதேவேளை பல்கலைக்கழக விரிவுரையாளர்களின் சங்கம் சுமத்தியுள்ள குற்றச்சாட்டு தொடர்பில் பல்கலைக்கழக மானியங்கள் ஆணைக்குழுவின் தலைவர் பேராசிரியர் காமனி சமரநாயக்கவிடம் கேட்ட போது,பல்கலைக்கழக விரிவுரையாளர்கள் சங்கத்தின் கருத்து தொடர்பில் பதிலளிக்க முடியாது எனக் கூறியுள்ளார்.   இலங்கை தனது சக்தியால் வளர்ந்துவரும் நாடு என்கிறார் ஜனாதிபதி:‐ இலங்கை தனது சக்தியால் வளர்ந்துவரும் நாடாகும். தற்போது புத்திஜீவிகள், விசேட நிபுணர்கள், சுதந்திரமாக செயற்பட்டு ஆய்வுகளை நடத்தும் சந்தர்ப்பம் ஏற்பட்டுள்ளதாக ஜனாதிபதி மகிந்த ராஜபக்ஸ தெரிவித்துள்ளார். அலரி மாளிகையில் நேற்று (28) நடைபெற்ற ஆய்வாளர்களுக்கான விருது வழங்கும் விழாவில் உரையாற்றும்போதே ஜனாதிபதி இதனைக் கூறியுள்ளார். விஞ்ஞான ஆய்வுகளுக்கு மதிப்பளிப்பதற்காக இலங்கையில் வழங்கப்படும் உயரிய விருது இதுவாகும். குறிப்பாக வெளிநாட்டிலுள்ள இலங்கையரும் இதில் கலந்துகொண்டுள்ளனர். இதுகுறித்து நான் மிகவும் மகிழ்ச்சியடைகிறேன். தாய் நாட்டிற்கு அன்பு செலுத்தும் இப்படியான நபர்கள் சம்பந்தமாக உண்மையில் நாங்கள் பெருமைப்படுகிறோம். இலங்கையைக் கட்டியெழுப்புவதற்காக நாம் பாரிய நடவடிக்கைகளில் ஈடுபட்டுள்ளோம். அரசியல், சமூக, பொருளாதார துறைகளில் மேற்கொள்ளும் பரிசோதனை எனக் கூறினால் அது தவறில்லை. இந்த பரிசோதனை மூலம் நாங்கள் வெற்றிகரமான முடிவுகளைப் பெற்றிருக்கின்றோம் எனவும் ஜனாதிபதி குறிப்பிட்டுள்ளார். தாயிடம் உணவுகேட்ட இரண்டு பிள்ளைகளுக்கு சூடுவைத்த தயார் ஒருவர் கைது:‐ தாயிடம் உணவுகேட்ட இரண்டு பிள்ளைகளுக்கு சூடுவைத்த தயார் ஒருவர் நேற்று (28) அவிசாவளையில் கைதுசெய்யப்பட்டார். கைதுசெய்யப்பட்டவர் தெஹியோவிட்ட மல்தெனியவத்த பிரதேசத்தை வசிப்பிடமாகக் கொண்டவர் எனக் காவல்துறையினர் தெரிவித்துள்ளனர். இந்தப் பெண் வேலை முடிந்து வீடு திரும்பிய போது பிள்ளைகள் இருவரும் உணவைக் கேட்டு அழுததாகவும் அப்போது இந்தத் தாய் நெருப்புக் கொல்லியொன்றை எடுத்து பிள்ளைகளின் முகம், கால், மார்பகப் பகுதிகளில் சூடு வைத்துள்ளதாகவும் கூறப்படுகிறது. இதுகுறித்து பிள்ளைகளின் தந்தை காவல்துறையில் செய்த முறைப்பாட்டை அடுத்து சந்தேக நபரான பெண் கைதுசெய்யப்பட்டுள்ளார். சூட்டுக் காயங்களுக்கு உள்ளான இரண்டு பிள்ளைகளும் அவிசாவளை ஆதார வைத்தியசாலையில் அனுமதிக்கப்பட்டுள்ளனர். கைதுசெய்யப்பட்ட பெண் இன்று (29) ருவான்வெல்ல நீதவான் நீதிமன்றத்தில் ஆஜர்படுத்தப்படவுள்ளார். கொழும்பு மெகசீன் விளக்கமறியல் சிறையில் போதைப்பொருட்கள் கைத்தொலைபேசிகள் மீட்பு:‐ கொழும்பு மெகசீன் விளக்கமறியல் சிறையில் அடைக்கப்பட்டுள்ள பிரபல பாதாள உலக குழுவின் சந்தேக நபருக்கு வழங்கவென எடுத்துச் செல்லப்பட்ட உணவுப் பொதியில் மறைத்து வைக்கப்பட்டிருந்த இரண்டு கையடக்க தொவைலபேசிகளையும் 113 கிராம் கஞ்சா போதை பொருளையும் சிறைச்சாலை புலனாய்வு மற்றும் பாதுகாப்பு அதிகாரிகள் கைப்பற்றியுள்ளனர். தடுத்து வைக்கப்பட்டுள்ள சந்தேக நபரை பார்வையிடச் சென்ற 4 இளைஞர்கள், கோழி இறைச்சி அடைக்கப்பட்டிருந்த பாத்திரம் மற்றும் பாணுடன் சிறைச்சாலைக்குள் பிரவேசிக்க முயற்சித்துள்ளனர். இதனையடுத்து சிறை பாதுகாவலர்கள்  உணவு பொதியை சோதனையிட்டதில் கோழி இறைச்சி வைக்கப்பட்டிருந்த பாத்திரத்தில் பிளாஸ்திக் பையொன்றில் பொதி செய்து மறைத்து வைக்கப்பட்டிருந்த இரண்டு கையடக்க தொலைபேசிகளையும் 113 கிராம் கஞ்சா போதை பொருளையும் கைப்பற்றியுள்ளனர். இதன் போது இரண்டு இளைஞர்கள் அங்கிருந்து தப்பிச் சென்றுள்ளதுடன் ஏனைய இருவர் கைதுசெய்யப்பட்டுள்ளனர். இவர்கள் இருவரும் கஞ்சா போதைப் பொருளுடன் காவற்துறையின் போதைப் பொருள் தடுப்பு பிரிவினரிடம் ஒப்படைக்கப்பட்டுள்ளனர். சிலாபம் முகத்துவாரம் பகுதியில் படகுகொன்று கவிழ்ந்து மீனவர் ஒருவர் காணாமல் போயுள்ளார்:‐ சிலாபம் முகத்துவராம் பகுதியில் படகுகொன்று கவிழ்ந்து மீனவர் ஒருவர் காணாமல் போயுள்ளததாகவும் நேற்று (28) வரை அவர் மீட்கப்படவில்லை எனவும் சிலாபம் மீனவர்கள் தெரிவித்துள்ளனர். முன்னேஸ்வரம் பிரதேசத்தைச் சேர்ந்த 28 வயதான ராஜ்குமார் என்ற இரண்டு பிள்ளைகளின் தந்தையே இவ்வாறு காணாமல் போயுள்ளார். இவரும் மற்றுமொரு மீனவரும் கடலுக்கு செல்வதற்காக தெதுருஓயா ஆற்றின் முகத்துவாரத்தின் ஊடாக படகை செலுத்திய போது படகு கவிழ்ந்துள்ளது. இதில் ஒருவர் உயிர் தப்பியுள்ளார். Thu, 29 Jul 2010 13:31:36 -0500 http://www.globaltamilnews.net/tamil_news.php?nid=27845 http://www.globaltamilnews.net/tamil_news.php?nid=27845 அரசாங்கத்திடமிருந்து சகலதையும் எதிர்பார்க்காது மக்கள் தமது பங்களிப்பினை வழங்க வேண்டுமென ஜனாதிபதி மஹிந்த ராஜபக்ஸ தெரிவித்துள்ளார். ரத்தினபுரி பொது வைத்தியசாலையில் மகப்பேற்று பிரிவினை திறந்து வைத்து உரையாற்றிய போது ஜனாதிபதி இதனைக் குறிப்பிட்டுள்ளார். மக்கள் தமது கடமைகளை மேற்கொள்ள பின்நிற்கக் கூடாது என அவர் சுட்டிக்காட்டியுள்ளார். எல்லா விடயங்களுக்கும் அரசாங்கத்தின் கையை எதிர்பார்க்காது மக்கள் தாமாக முன்வந்து பங்களிக்க வேண்டுமென அவர் தெரிவித்துள்ளார். நாடு முழுவதிலும் டெங்கு நோய் பரவியுள்ளமை குறித்து கருத்து வெளியிட்ட போது அவர் இதனைக் குறிப்பிட்டுள்ளார். வீட்டுத் தோட்டங்களையும், சுற்றுபுறச் சூழலையும் சுத்தமாக பேணிப் பாதுகாக்க வேண்டியது மக்களின் முதன்மைக் கடமை என அவர் தெரிவித்துள்ளார். இதேவேளை, டெங்கு நோய் ஒழிப்புக்குத் தேவையான சகல நடவடிக்கைகளையும் அரசாங்கம் எடுத்து வருவதாக அவர் குறிப்பிட்டுள்ளார். Thu, 29 Jul 2010 16:11:28 -0500 http://www.globaltamilnews.net/tamil_news.php?nid=27837 http://www.globaltamilnews.net/tamil_news.php?nid=27837   மட்டகக்களப்பு—களுவாஞ்சிக்குடி பிரதேச அபிவிருத்திக்குழு கூட்டம் இன்று காலை மீள்குடி யேற்ற பிரதியமைச்சர் வினாயகமூர்த்தி முரளீதரன் தலைமையில் நடைபெற்றது. மாவட்ட தமிழ் தேசிய கூட்டமைப்பு பாராளுமன்ற உறுப்பினர்களான பா.அரியநேத்திரன், பி.செல்வராசா, சீ.யோகேஸ்வரன் ஆகியுயோரும் கலந்து கொண்டனர். களுவாஞ்சிக்குடி பிரதேச செயலாளர் எஸ்.அருள்ராஜா திணைக்களத்தலைவர்கள் பிரதேச சபைத்தலைவர்,உறுப்பினர்கள் உட்பட பலர் கலந்திருந்தனர். இவ்வாண்டின் அபிவிருத்திப்பணிகள் தொடர்பாக விரிவாக ஆராயப்பட்டது. காத்தான்குடி பள்ளிவாயல்களில் இடம்பெற்ற துப்பாக்கிச்சூட்டுச் சம்பவங்களின் 20தாவது ஆண்டு நினைவு தினம் எதிர்வரும் 3ம்திகதி:‐ காத்தான்குடி பள்ளிவாயல்களில் இடம்பெற்ற துப்பாக்கிச்சூட்டுச் சம்பவங்களின் 20தாவது ஆண்டு நினைவு தினம் எதிர்வரும் 3ம்திகதி அனுஸ்டிக்கப்படவுள்ளது. கடந்த 1990.08.03ம் திகதி இரவு புனித இஸாத்தொழுமையிலிருந்த 103 முஸ்லீம்கள் ஆயுதம் தரித்த துப்பாக்கிதாரிகளாhல் சுட்டுக்கொல்லப்பட்டனர். 300க்கும் அதிகமானோர் படுகாயமநை;தனர்.இக்கோரசம்பவத்தின் 20 வதாவது நினைவு தினம் எதிர்வரும் 3ம்திகதி காத்தான்குடி உட்பட பலபகுதிகளில் உண்வுரீதியாக அனுஸ்டிக்கஏற்பாடுகள் செய்யப்பபட்டு வருகின்றன. மட்டக்களப்பு‐‐‐கல்முனை பிரதான வீதியில் இடம் பெற்ற வாகன விபத்தில் இளைஞர்; ஒருவர் படுகாயம்:‐ மட்டக்களப்பு‐‐‐கல்முனை பிரதான வீதியில் இடம் பெற்ற வாகன விபத்தில் இளைஞர்; ஒருவர் படுகாயமடைந்து கால் உடைந்த நிலையில் மட்டக்களப்பு போதனா வைத்தியசாலையில் அனுமதிக்கப்பட்டுள்ளார். நேற்று மாலை இச்சம்பவம் இடம்பெற்றதாக காத்தான்குடி பொலிஸ் நிலைய பொறுப்பதிகாரி தெரிவித்தார். நேற்று மாலை 5 மணியளவில் கிரான்குளம் பிரதான வீதியால் மிகவேகமாக வந்து கொண்டிருந்த மோட்டார்; சைக்கிள் வைக்கோல் ஏற்றிவந்த உழவு இயந்திரத்துடன் மோதியது இதன்போது மோட்டார் சைக்கிளை செலுத்திவந்தவர் படுகாயமடைந்தார்.உரவு இயந்திரத்தின் சாரதி பொலிசாரால் கைது செய்யப்பட்டுள்ளளர்.உழவு இயந்திரமும் தடுத்து வைக்கப்பட்"டுள்ளது.பொலிஸ் விசாரணைகள் தொடர்கின்றன.ழ வாகரை பிரதேசத்தில் கடந்த ஞாயிற்றுக்கிழமை கண்டெடுக்கப்பட்ட அம்மன் முகக் கலசம் 10 இலட்சம் ரூபா சரீர பிணையில் ஒப்படைப்பு  வாகரை பிரதேசத்தில் கடந்த ஞாயிற்றுக்கிழமை கண்டெடுக்கப்பட்ட அம்மன் முகக் கலசம்  நீதிமன்ற உத்தரவின் பேரில்  கதிரவெளி ஸ்ரீ பத்திரகாளி அம்மன் ஆலய நிர்வாகத்திடம் 10 இலட்சம் ரூபா சரீர பிணையில் ஒப்படைக்கப்பட்டுள்ளது. கடந்த ஞாயிற்றுக்கிழமை வெருகல் மலைச்சாரலடியில் இருந்து கண்டுபிடிக்கப்பட்ட வெண்கல அம்மன் கலசத்தை வாகரை பொலிஸார் எடுத்துச் சென்று பொலிஸ் நிலையத்தில் வைத்திருந்த நிலையில் இன்று புதன்கிழமை வாழச்சேனை மாவட்ட நீதிமன்றில் ஒப்படைத்தனர். வாழைச்சேனை மாவட்ட நீதிவான் ரி.சரவணராசா முன்னிலையில் சிலையை ஒப்படைத்த போது இச்சிலையினை தங்களது ஆலயத்தில் வைத்து வழிபடுவதற்கு கதிரவெளி ஸ்ரீ பத்திரகாளி அம்மன் ஆலய நிர்வாகம் நீதிமன்றில் வேண்டுகோள் விடுத்தது. இது தொடர்பாக ஆராய்ந்த நீதிவான்இ குறித்த அம்மன் கலசத்தினை கதிரவெளி இந்து இளைஞர் மன்றத்திடம் 10 இலட்சம் சரீர பிணையில் வழங்க உத்தரவிட்டார். கதிரவெளி கிராம சேவை அலுவலகர் மற்றும் வாகரை பிரதேச செயலாளர் ஆர்.இராகுலநாயகி ஆகியோர் குறித்த அம்மன் சிலையை மேற்படி மன்றத்திடம் வழங்கலாம் என எழுத்து மூலம் அறிக்கை செய்த பின்னரே அவர்களிடம் அம்மன் சிலை வழங்கப்பட்டது. கதிரவெளி இளைஞர் மன்றத்தினூடாக கதிரவெளி காளி கோவிலுக்கு எடுத்துச் செல்லப்பட்ட அம்மன் சிலை தற்போது விஷேட பூசை செய்து ஆலயத்தில் வைக்கப்பட்டுள்ளது. பெருந்திரளான பக்தர்கள் அங்கு சென்று வழிபட்டு வருகின்றனர்.   யுத்தம் காரணமாக இடம்பெயர்ந்திருந்த மட்டக்களப்பு மக்கள் சிறுபோக நெற் செய்கையில் ஈடுபட்டு அறுவடை செய்வதாக தெரிவிக்கப்படுகின்றது :   மூன்று தசாப்த யுத்தம் காரணமாக இடம்பெயர்ந்திருந்த மட்டக்களப்பு மக்கள் சிறுபோக நெற் செய்கையில் ஈடுபட்டு, அதனை அறுவடை செய்து வருவதாக  மாவட்ட விவசாய அபிவிருத்தி திணைக்கத்தின் ஆணையாளர் கலாநிதி கே.ராசாங்கன் தெரிவித்துள்ளார். இந்த மக்கள் 45 ஏக்கர் நிலப்பரப்பில் பயிர் செய்கையில் ஈடுபட்டனர். கொக்கட்டிச்சோலை, வவுணதீவு, வாகரை, வெல்லாவெளி, செங்கலடி, கிரான் ஆகிய பிரதேசங்களில் சிறு போக செயற்செய்கை நல்ல விளைச்சலை கொடுத்திருப்பதாகவும் ஆணையாளர் மேலும் தெரிவித்துள்ளார். தாந்தாமலை‐ மாவடி முன்மாதிரி வீதி நேற்று முன்தினம் மீண்டும் திறக்கப்பட்டுள்ளது : யுத்தம் காரணமாக 20 வருடங்களுக்கு மேலாக மூடப்பட்டிருந்த மட்டக்களப்பு மாவட்டம் வவுணதீவு பிரதேச செயலாளர் பிரிவுக்கு உட்பட்ட தாந்தாமலை‐ மாவடி முன்மாதிரி வீதி நேற்று முன்தினம் மீண்டும் திறக்கப்பட்டுள்ளது. தாந்தாமலை முருகன் ஆலயத்தின் திருவிழா நடைபெறவுள்ளதால் இந்த வீதியை திறக்குமாறு தமிழ் தேசியக் கூட்டமைப்பின் நாடாளுமன்ற உறுப்பினர். பாக்கியசெல்வம் அரியநேந்திரன், மாவட்ட அபிவிருத்திக் குழு கூட்டத்தின் போது, பாதுகாப்பு தரப்பினரிடம் கோரிக்கை விடுத்திருந்தார். தாந்தாமலை முருகன் ஆலயத்தின் திருவிழா நேற்றுடன் முடிவடைந்ததுடன் இன்று தீ மிதிப்பு இடம்பெறுகிறது.(   Thu, 29 Jul 2010 07:54:10 -0500 http://www.globaltamilnews.net/tamil_news.php?nid=27836 http://www.globaltamilnews.net/tamil_news.php?nid=27836   தமிழ் மக்கள் செறிந்தது வாழுகின்ற நுவரெலியா மாவட்டத்திலுள்ள அரச நிறுவனங்களில் அரச கரும மொழியான தமிழ் மொழி உரியவகையில் அமுல் படுத்தப்படாத காரணத்தினால் தமிழ் பேசும் மக்கள் பல்வேறு அசௌகரியங்களைத் தொடர்ந்து எதிர்நோக்கி வருவதால் இவ்விடயம் குறித்து பொறுப்பு வாய்ந்த தரப்புக்கள் உரிய கவனம் செலுத்தப்பட வேண்டும் என்று தொழிலாளர்   தேசிய சங்கத்தின் பிரதித்தலைவரும் மத்திய மாகாணசபை உறுப்பினருமான எம் .உதயகுமார் வேண்டுகோள் விடுத்துள்ளார். இவ்விடயம் தொடர்பாக அவர் மேலும் தெரிவித்ததாவது : நுவரெலியா மாவட்டத்திலுள்ள பொலிஸ் நிலையங்கள் ,கல்விப்பணிமனைகள் ,பிரதேச செயலகங்கள் , வைத்தியசாலைகள் ,தொழிற்திணைக்கள பணிமனைகள் ,நீதிமன்றங்கள் உட்பட பல்வேறு அரச நிறுவனங்களில் தமிழ் மொழி அமுலாக்கல் உரியவகையில் மேற்கொள்ளப்படாத காரணத்தினால் தமிழ் மக்கள் பல்வேறு அசௌகரியங்களுக்குக் கடந்த பல வருடங்களாக உள்ளாகி வருகின்றனர். தமிழ் மக்கள் செறிந்து வாழுகின்ற பிரதேச செயலகப்பிரிவுகளில் அரசகரும மொழியான தமிழ் மொழி உரியவகையில் அமுல் படுத்தப்பட வேண்டுமென அரசாங்கத்தினால் ஏற்கனவே அறிவிக்கப்பட்டுள்ள போதும் இந்த அமுல் படுத்தல் இதுவரை நடை முறைக்கு வரவில்லை. குறிப்பிட்ட அரச நிறுவனங்களில் தமிழ் மொழியில் சேவையாற்றக்கூடிய உத்தியோகஸ்தர்களுக்கான பற்றாக்குறை காணப்படுவதால் இத்தைய நிறுவனங்களில் தமிழ் மொழி அமுலாக்கல் உரிவகையில் மேற்கொள்ள முடியாத நிலையிலுள்ளதாக அறிவிக்கப்படுகின்ற போதும் தமிழ் உத்தியோகஸ்தர்கள் போதுமானதாக உள்ள அரச நிறுவனங்களில் கூட தமிழ் மொழி அமுலாக்கப்படுவதில் அசமந்தப்போக்குக் கடைப்பிடிப்பதானது விசனத்துக்குரிய விடயமாகும்.  இவ்வாறானதொரு நிலையில் அரச நிறுவனங்களில் தமிழ் ,சிங்கள மக்களின் நலன் கருதி தோட்ட உட்கட்டமைப்பு அமைச்சினால் வழங்கப்பட்ட சமூகத்தொடர்பாடல் வசதியளிப்பாளர் நியமனங்கள்  கூட தற்போது வழங்கப்படுவதில்லை. இந்த நிலையில் இன்று பெருந்தோட்டப்பகுதியில் படித்து விட்டு தொழில் வாய்ப்பின்றி ஆயிரக்கணக்கான இளைஞர் யுவதிகள் உள்ளனர்.இவர்களுக்கு அரசகரும மொழி தொடர்பான பயிற்சிகள் மற்றும் ஏனைய பயிற்சிகளை வழங்கி அவர்களுக்கு உரிய நியமனங்களை வழங்குவதற்கு அரசாங்கம் முன்வரவேண்டும் .இவ்வாறான நியமனங்கள் ஊடாக நுவரெலியா மாவட்டத்தில் அரச நிறுவனங்களில் தமிழ் மொழி அமுலாக்கலைப் பூர்த்தி செய்யக்கூடியதாக இருக்கும் . இவ்விடயத்தினை உரிய தரப்பினர் கவனத்தில் எடுத்துக்கொள்ள வேண்டும்.   நுவரெலியா நானுஓயாவில் நிலம் தாழ்ந்ததால் பாதிக்கப்பட்டவர்கள் தொடர்ந்தும் தற்காலிக இருப்பிடங்களில்  ‐  வி.இராதாகிருஷ்ணன் அமைச்சர் சமரசிங்கவின் கவனத்திற்கு :   நுவரெலியா மாவட்டம் நானுஓயா டெஸ்போர்ட் தோட்டத்தில் இந்த மாதம் 7 ஆம் திகதி நிலம் திடீரென தாழ்ந்ததில் நான்கு லயன் குடியிருப்புக்கள் சேதத்துக்கு உள்ளாகின. இந்தக்குடியிருப்புக்களில் வாழ்ந்து வந்த 150 குடும்பங்களைச்சேர்ந்த 600 பேர் தற்போது  தோட்டத்தில் அமைக்கப்பட்டுள்ள தற்காலிக குடில்களிலும் தோட்ட ஆலயத்திலும் தங்க  வைக்கப்பட்டுள்ளனர். நானுஓயா டெஸ்போர்ட் தோட்டப்பகுதியில் நிலம் தாழ்ந்ததில் தோட்டக்குடியிருப்புக்களின்  கட்டிடச்சுவர்களில் வெடிப்புகள் ஏற்பட்டதால் இந்தக் குடியிருப்பில் வாழந்தவர்கள் உடனடியாக அப்பறப்படுத்தப்பட்டனர். எனினும் பாதிப்பு ஏற்பட்டு பல வாரங்கள் கடந்துள்ள போதும் இதுவரை   இவர்களுக்கு உரிய மாற்று  குடியிருப்புக்கள் இதுவரை  அமைத்துக்கொடுக்கப்படவில்லை. இந்த நிலையில் பாதிக்கப்பட்ட  பகுதிக்கு நேரடியாக விஜயம் செய்த நுவரெலியா மாவட்ட நாடாளுமன்ற உறுப்பினர்  வி.இராதாகிருஷ்ணன் நிலைமைகளை ஆராய்ந்ததன் பின்பு பெருந்தோட்ட அபிவிருத்தி அமைச்சர் மகிந்த சமரசிங்கவை இன்று 29 ஆம் திகதி சந்தித்து இவ்விடயம் குறித்து அவரின் கவனத்திற்குக் கொண்டு  வந்துள்ளார். இதனைத்தொடர்ந்து பாதிக்கப்பட்டவர்களின் முழு விரபத்தினையும் தனக்கு விரைவில் சமர்ப்பிக்குமாறு அமைச்சர் சமரசிங்க தன்னிடம் கேட்டுக்கொண்டதாக பாராளுமன்ற உறுப்பினர் வி.இராதாகிருஷ்ணன் தெரிவித்தார். Thu, 29 Jul 2010 07:44:11 -0500 http://www.globaltamilnews.net/tamil_news.php?nid=27835 http://www.globaltamilnews.net/tamil_news.php?nid=27835   லண்டனில் உண்ணாவிரதம் இருந்த இலங்கை தமிழ் இளைஞர் பரமேஸ்வரன் சுப்ரமணியம், உண்ணாவிரத நாட்களில் பர்கர் சாப்பிட்டதாக செய்தி வெளியிட்ட பத்திரிக்கைகளுக்கு எதிரான வழக்கில் வெற்றி பெற்றுள்ளார். இலங்கையில் போரை நிறுத்தக் கோரி 2009 ஆம் ஆண்டு லண்டனில் வாழும் இலங்கை தமிழர்கள் பிரிட்டிஷ் நாடாளுமன்ற வளாகத்தின் முன் நடத்திய போராட்டத்தின் ஒரு பகுதியாக பரமேஸ்வரன் 23 நாட்கள் உண்ணாவிரதம் இருந்தார். ஆனால் இந்த உண்ணாவிரதப் போராட்டத்தின் போது அவர் ரகசியமாக பர்கரை சாப்பிட்டதாக லண்டனில் வெளியாகும் டெய்லி மெயில் மற்றும் சன் பத்திரிக்கைகள் செய்தி வெளியிட்டிருந்தன. இதற்கு எதிராக பரமேஸ்வரன் வழக்கு தொடர்ந்திருந்தார். இந்த வழக்கில் இன்று வியாழக்கிழமை லண்டன் நீதிமன்றம் தீர்ப்பளித்தது. இந்த வழக்கு விசாரணையின் போது சம்மந்தப்பட்ட இரு பத்திரிக்கைகளின் சார்பில் வாதாடிய வழக்கறிஞர்களும் தாங்கள் வெளியிட்ட செய்திக்கான ஆதாரங்கள் இல்லை என்று ஒப்புக் கொண்டார்கள். இது குறித்த மறுப்பை வெளியிடவும், பரமேஸ்வரனுக்கு 77,500  ஸ்டெர்லிங் பவுண்ட் நஷ்ட ஈடு தரவும் அந்த இரு பத்திரிகைகளும் ஒப்புக்கொண்டதாக பரமேஸ்வரனின் வழக்கறிஞர் மேக்னஸ் பாயிட் தெரிவித்தார். இந்த பத்திரிக்கைகளின் பொய்ச்செய்தி காரணமாக, கடந்த எட்டு மாதங்களாக தான் மிகுந்த அவமானங்களை சந்தித்ததாகவும் இந்த நிலையில் இன்று வந்துள்ள தீர்ப்பு தனக்கு மகிழ்ச்சி அளிப்பதாகவும் பரமேஸ்வரன் பிபிசி தமிழோசையிடம் தெரிவித்தார். போராட்டத்தின் போது பல தமிழ் அமைப்புக்கள் பங்கேற்றாலும் தனக்கு தனிப்பட்ட முறையில் அவை உதவ முன்வரவில்லை என்றும், வெற்றிபெற்றால் வக்கில் சன்மானம் என்ற அடிப்படையிலேயே தான் வழக்கறிஞரை அமர்த்தி இந்த வழக்கை எதிர்கொண்டதாகவும் அவர் கூறினார் நன்றி BBC தமிழ்ச்சேவை Thu, 29 Jul 2010 13:39:37 -0500 http://www.globaltamilnews.net/tamil_news.php?nid=27834 http://www.globaltamilnews.net/tamil_news.php?nid=27834   முன்னாள் பிரதமர் ராஜீவ்காந்தி கொலைவழக்கில்  தண்டனை பெற்று வரும்  நளினி  உள்ளிட்டவர்களை விடுதலை செய்ய முடியாது என்று உச்சநீதிமன்றம் தெரிவித்து உள்ளது.   முன்னாள் பிரதமர் ராஜீவ்காந்தி கொலை வழக்கில் நளினி ஆயுள் தண்டனையும், அவருடைய கணவர் முருகன், சாந்தன், பேரறிவாளன் ஆகியோர் மரண தண்டனையும் அனுபவித்து வருகிறார்கள்.  அவர்கள் 4 பேரையும் விடுவிக்க வேண்டும் என்று சென்னை ஐகோர்ட்டில், காங்கிரஸ் கட்சியை சேர்ந்த திருச்சி வேலுசாமி என்பவர் மனுதாக்கல் செய்தார். அம்மனுவை கடந்த ஆண்டு ஏப்ரல் 28‐ந் தேதி ஐகோர்ட்டு தள்ளுபடி செய்ததுடன், மனுதாரருக்கு ரூ.1 லட்சம் அபராதம் விதித்தது.  இதையடுத்து, வக்கீல் கருப்பன் என்பவர் சுப்ரீம் கோர்ட்டில் இதே கோரிக்கையை வலியுறுத்தி மனுதாக்கல் செய்தார். அம்மனுவில் அவர் கூறி இருந்ததாவது:‐  ராஜீவ்காந்தி கொலையின் சதி அம்சங்கள் குறித்து ஆராய அமைக்கப்பட்ட ஜெயின் கமிஷன் தனது இறுதி அறிக்கையை 1998‐ம் ஆண்டு மார்ச் 7‐ந் தேதி சமர்ப்பித்தது. அதில், ராஜீவ் கொலையில் சந்திராசாமியின் பங்கு, சி.ஐ.ஏ., மொசாத் போன்ற வெளிநாட்டு உளவு அமைப்புகளின் தொடர்பு ஆகியவை குறித்தும், சந்தேகத்துக்குரிய மேலும் 21 பேரின் தொடர்பு குறித்தும் மேற்கொண்டு விசாரணை நடத்துமாறு ஜெயின் கமிஷன் சிபாரிசு செய்திருந்தது.  அதன் அடிப்படையில், 1998‐ம் ஆண்டு டிசம்பர் 2‐ந் தேதி, சி.பி.ஐ.யின் கீழ், பல்நோக்கு கண்காணிப்பு ஆணையம் அமைக்கப்பட்டது. அது, ஜெயின் கமிஷன் குற்றச்சாட்டுகளை விசாரிக்க தொடங்கியது.  ஆணையம் விசாரணையை தொடங்கிய தகவலை, விசாரணை கோர்ட்டில் சி.பி.ஐ. தெரிவித்திருக்க வேண்டும். குற்றம் சாட்டப்பட்டோரின் அப்பீல் மனுக்களை விசாரித்து வந்த சுப்ரீம் கோர்ட்டிலும் தெரிவித்திருக்க வேண்டும். ஆனால் அந்த தகவல்களை கோர்ட்டுக்கு தெரிவிக்காமல் சி.பி.ஐ. மறைத்ததால், நளினி, முருகன் உள்ளிட்ட 4 பேரும் தண்டிக்கப்பட்டனர்.  சந்திராசாமி மற்றும் 21 பேரின் தொடர்பு பற்றி விசாரிக்கப்படவில்லை. எனவே, குறைபாடுள்ள விசாரணையின் அடிப்படையில் தண்டிக்கப்பட்ட நளினி, முருகன், சாந்தன், பேரறிவாளன் ஆகியோரை விடுதலை செய்ய உத்தரவிட வேண்டும்.  இவ்வாறு மனுவில் கூறப்பட்டு இருந்தது. இம்மனு, நீதிபதிகள் வி.எஸ்.சிர்புர்கர், முகுந்தன் சர்மா ஆகியோர் முன்பு விசாரணைக்கு வந்தது. மனுதாரரின் வாதத்தை நீதிபதிகள் ஏற்கவில்லை. சென்னை ஐகோர்ட்டு பிறப்பித்த உத்தரவில் குறுக்கிட விரும்பவில்லை என்று கூறி, நளினி உள்ளிட்ட 4 பேரையும் விடுதலை செய்ய மறுத்து விட்டனர். மனுவை வாபஸ் பெற்றுக்கொள்ள மனுதாரருக்கு அவர்கள் அனுமதி அளித்தனர் Thu, 29 Jul 2010 13:01:57 -0500 http://www.globaltamilnews.net/tamil_news.php?nid=27827 http://www.globaltamilnews.net/tamil_news.php?nid=27827 குருபரன் ‐ வன்னியில் மீள்குடியேற்றம் தொடர்பான பிரச்சினைகளில் தற்போது பாரிய சிக்கலினை எதிர்கொண்டுள்ளது சாந்தபுரம் செல்வபுரம் முறிகண்டி இந்துபுரம் போன்ற பிரதேசங்களை உள்ளடக்கிய 4611ஏக்கர் நிலம். உங்களுடைய இந்த நிலத்தினை அரசாங்கம்  தற்போது கையகப்படுத்தியதாக செய்திகள் வெளிவந்துள்ளன. இது குறித்த தற்போதைய நிலைமை என்ன? குரல் ‐  1977ஆம் ஆண்டிலிருந்து இங்கு தான் கிராமங்களை உருவாக்கி நாங்கள் வசித்து வருகிறோம். 32 வருடங்களுக்கு மேலாக இந்த மக்கள் அங்கு குடியிருக்கிறார்கள். இந்தப்பிரதேசம் ஒரு பின்தங்கிய பிரதேசம் என்றாலும் அந்த மக்களுடைய உழைப்பால் அவை இன்று செழிப்புள்ள கிராமங்களாக இருக்கின்றன. 2008ஆம் ஆண்டு போரினால் இடம் பெயர்ந்து 2009ஆம் ஆண்டு அரசாங்கத்தின் கட்டுப்பாட்டுப்பகுதிக்கு வந்து இன்று செட்டிக்குள முகாமில் தான் இருக்கிறோம். எங்களை மீள்குயேற்றுவதற்கான அறிவிப்பு ஏப்ரல் 26ஆம் திகதி வந்தது.  மக்கள் தயாராக இருந்த போதும் அன்று காலையிலேயே மீள் குடியேற்றம் இடைநிறுத்தப்பட்டதாக அறிவிப்பு வந்தது. அதன் பிறகு நூற்றுக்கணக்கான மக்களாக நாம் சென்று பிரதேச செயலாளருடன் பேசிய போது இராணுவம் தான் உங்களது மீள் குடியேற்றத்தைத் தடை செய்துள்ளது என்று தெரிவித்து அதற்கான கடிதத்தையும் எமக்குக் காட்டினார். ஆதன் பிறகு இது தொடர்பில் நாம் பல கடிதங்களை ஜனாதிபதி, பாதுகாப்பு அமைச்சு, மீள்குடியேற்ற அமைச்சு, தமிழ் தேசியக்கூட்டமைப்பு எனப் பலதரப்பினருக்கு அனுப்பி வைத்தோம். அவை தொடர்பில் எந்தவித பதிலும் எமக்குக் கிடைக்கவில்லை. அதன்பிறகு இந்த மாதம் 14ஆம் திகதி பாராளுமன்றக் கூட்டத் தொடருக்காக ஜனாதிபதி கிளிநொச்சிக்கு வருகை தந்திருந்தார். அதன் போது நாம் நேரடியாகச் சென்று அவரிடம் எமது மகஜரைக் கொடுத்து எமது பகுதிகளில் எம்மைக் குடியேற்றும்படி கோரினோம். நாங்கள் நீண்டகாலமாக வாழ்ந்து வரும் நிலங்களை எம்மிடமிருந்து எடுக்கப் போவதாக தகலவ்கள் கிடைத்திருக்கிறது. தயவு செய்து எமது காணிகளில் எம்மை மீள் குடியேற்ற நடவடிக்கை எடுங்கள் என்று அவரிடம் கோரினோம். அதன் போது உங்களுடைய காணிகளை நாம் ஒருபோதும் எடுக்க மாட்டோம். உங்களது காணிகளிலேயே உங்களை நாம் மீள் குடியேற்றம் செய்வோம். தற்சமயம் அங்கு கண்ணிவெடிகள் காணப்படுகின்றன. அவை அகற்றப்பட்டதும் உங்களை உங்களது காணிகளிலேயே குடியேற்றுவோம் என்று உறுதியளித்துவிட்டுப் போய்விட்டார்.   அதன்பிறகு பிரதி மீள்குடியேற்ற அமைச்சரான கருணா எனப்படுகிற விநாயகமூர்த்தி முரளிதரன் வந்த போதும் அவரிடமும் நாங்கள் எமது மகஜரைக் கொடுத்து எங்களை எமது காணிகளில் மீள்குடியேற்றம் செய்யுமாறு கோரினோம். அவரும் சொன்னார் தான் இது தொடர்பில் கதைத்து நல்ல முடிவை அறிவிப்பதாக. அதன்பிறகு 15 நாட்களுக்கு முன்பதாக சிறுகைத்தொழில் அமைச்சர் டக்ளஸ் தேவானந்தா திருமுறிகண்டி யோவிலுக்கு வருகை தந்திருந்தார். அதன் போதும் அவரைச் சந்தித்து இது தொடர்பான மகஜரைக் கொடுத்து எம்மை மீள்குடியேற்றுமாறு கோரியிருந்தோம்.  இது தான்தற்போது எங்களுக்கு எஞ்சியிருக்கும் சொத்து. இப்போது நாங்கள் வளர்த்த மரங்களையெல்லாம் இராணுவத்தினர் புல்டோசர் போட்டு அழிக்கிறார்கள். தயவு செய்து அவற்றைத் தடுத்தி நிறுத்தி எங்களது காணிகளை எங்களுக்குப் பெற்றுத்தாருங்கள் என்று கோரினோம். ஆனால் அதற்கு  எந்தவிதமான பதிலும் இல்லை. இதற்குப் பிறகு நாங்கள் பிரதேச செயலாளரிடம் போய்க் கதைத்தோம். அவர் சொன்னார் நீங்கள் அரச அதிபரிடம் போய்க் கதையுங்கள் என்று. அதனால் நாங்கள் அரச அதிபரிடம் போய்க் கதைத்தோம். இவ்வளவு மகஜர் கொடுத்திருக்கிறோம் எதற்கும் எந்தப் பதிலும் இல்லை. எங்களை எங்களுடைய காணிகளில் மீள் குடியேற்றம் செய்யுங்கள் என்று கேட்ட போது தான் அவர் எங்களுக்குச் சொன்ன பதில் உங்களுடைய காணிகள் எல்லாம் எடுக்கப்பட்டிருக்கிறது. உங்களுக்கு வேறு இடத்தில் காணிகள் கொடுக்கும்படி எனக்குப் பணிப்புரை வந்திருக்கிறது. அதன்படி உங்களுக்கு வேறு இடங்களில் காணி பார்க்கச் சொல்லி பிரதேச செயலாளரிடம் சொல்லி இருக்கிறேன் என்றார். இது தான் எங்களுடைய நிலைமை. எல்லாவற்றையும் இழந்து நிற்கிறோம். எங்களுக்கு இப்போது இருக்கும் சொத்து என்று சொன்னால் இது மட்டும் தான். தற்போது இதனையும் பறித்தெடுக்கிறார்கள். குருபரன் ‐ எவ்வளவு குடும்பங்கள் இவ்வாறு அங்கு உள்ளன? குரல் ‐  ஏ9 வீதிக்கு மேற்குப் பக்கம் கொஞ்ச குடும்பங்களை குடியமர்த்தி உள்ளார்கள். ஏ9 க்கு கிழக்குப் புறமான காணிகளைத் தான் இப்போது எடுத்திருக்கிறார்கள். தி;ருமுறிகண்டி, இந்து புரம் சாந்த புரம் என்ற இந்தக்கராமங்களில் 1200க்கு மேற்பட்ட குடும்பங்கள் இங்கு இருக்கின்றன. இந்தக்குடும்பங்களின் காணிகளதை; தான் தற்போது தாம் எடுத்துள்ளதாகச் சொல்கிறார்கள். குருபரன் ‐ சாந்தபுரம் பகுதியில் ஏற்கெனவே குடியமர்த்தப்பட்ட மக்கள் விரட்டியடிக்கப்பட்டதாகச் சில தகவல்கள் சொல்கின்றனவே? குரல் ‐ அவர்களை  இரண்டு மாதங்களுக்கு முன்னரேயே கொண்டு வந்து கிளிநொச்சி மத்திய கல்லூரியில் வைத்திருந்தார்கள். அதன்பிறகு அவர்களை போனமாதம் கொண்டு வந்து சாந்த புரத்திலுள்ள ஒரு பாடசாலையில் வைத்திருந்தார்கள். அந்தப்பாடசாலையில் இருந்து ஒரு பகுதி மக்களை 10ஆம் வீதிக்கு அருகில் குடியேற்றினார்கள். ஏனையவர்கள் தங்கள் தங்கள் காணிகளில் போய் குடியேறினார்கள். அந்த மக்களைத் தான் இன்று கிளிநொச்சி பிரிகேடியர் வந்து உங்களுக்கு இங்கு காணியில்லை. எல்லோரும் முகாமுக்குப் போங்கள் என்று கலைத்திருக்கிறார். அந்த மக்கள் தற்போது மீளவும் முகாம்களில் இருக்கிறார்கள். குருபரன் ‐ ஏற்கெனவே முல்லைத்தீவு பிரிகேடியர் வந்து அங்கிருந்த மக்களுக்குச் சொன்னாராமே நீங்கள் உங்களுடைய காணிகளில் இருக்கலாம் என்று. இன்று வந்தது கிளிநொச்சி பிரிகேடியரா? குரல் ‐  ஆம் கிளிநொச்சி பிரிகேடியர். நாங்கள் இங்குள்ள பிரிகேடியர் மற்றும் இராணுவ அதிகாரிகளிடம் போய்க் கேட்டால் அவர்கள் எங்களுக்குச் சொல்வார்கள் நாங்கள் பொது மக்களுடைய காணிகளை எடுக்க மாட்டோம் என்று. நீங்கள் போய் உங்கள் அரச அதிபரிடமும் பிரதேச செயலாளரிடமும் போய்க் கேளுங்கள் அவர்கள் தான் இதற்குப் பொறுப்பு என்று சொல்வார்கள். தாங்கள் காணி எடுக்க மாட்டம் என்று தான் இன்று வரையும் சொல்கிறார்கள். குருபரன் ‐ நீங்கள் இதுவரை எல்லோரிடமும் முறைப்பாடு கொடுத்திருக்கிறீர்கள். அரசாங்கத்தில் உள்ள இரண்டு தமிழ் அமைச்சர்களான டக்ளஸ் மற்றும் கருணாவிடம் முறையிட்டிருக்கிறீர்கள். அதற்கும் மேலாக ஜனாதிபதி வருகை தந்த போது அவரிடமும் முறையிட்டிருக்கிறீர்கள். ஆனால் தற்போது அரச அதிபர் காணிகள் இராணுவத்தால் எடுக்கப்பட்டிருப்பதாக அறிவித்திருக்கிறார். எனவே உங்களுடைய அடுத்த கட்ட நடவடிக்கை எதுவாக இருக்கப் போகிறது. அவர்கள் தரும் காணிகளில் போய் குடியேறப் போகிறீர்களா? உங்களுடை நோக்கம் என்னவாக இருக்கிறது.? குரல் ‐ நாங்கள் நேற்று அரச அதிபரிடம் தெளிவாகத் தான் சொல்லிவிட்டு வந்திருக்கிறோம். எங்களுடைய காணிகளைத் தவிர்ந்த வேறு எந்த மாற்றுத் திட்டத்தையும் நாங்கள் ஏற்கப் போவதில்லைஎன. நாங்கள் தமிழ் தேசியக் கூட்டமைப்புடன் தான் தொடர்புகளை வைத்தீருக்கிறோம். அதன் பாராளுமன்ற உறுப்பினரான மாவை சேனாதிராசா இதுதொடர்பாக உயர்நீதிமன்றில் வழக்குத் தாக்கல் செய்ய தகுதிhன சிலரைத் தெரிவு செய்து தருமாறு கேட்டிருந்தார். இது தொடர்பாக நாங்கள் சிலரைத் தெரிவு செய்து உயர்நீதிமன்றில் வழக்குத் தாக்கல் செய்வதற்கான நடவடிக்கைகளை மேற்கொண்டு வருகிறோம். இதேவேளை ஏ.9 வீதிக்கு கிழக்காக உள்ள கிராம மக்களின் பிரதிநிதிகளை தமிழ்த்தேசியக் கூட்டமைப்பின் நாடாளுமன்ற உறுப்பினர்கள் சுரேஸ் பிரேமச்சந்திரன், சுமந்திரன், சிவசக்த்தி ஆனந்தன் சிறீதரன் ஆகிறோர் இன்று வவுனியாவில் சந்தித்து கலந்துரையாடியுள்ளனர். இதற்கு முன்னதாக இவர்கள் சாந்தபுரம் பகுதிக்கும் சென்று அங்குள்ள மக்களைச் சந்தித்து நிலமைகளை நேரில் பார்வையிட்டுள்ளனர். அங்கு ஏற்கனவே மீழக் குடியிருந்த மக்களை பலாத்காரமாக அப்புறப்படுத்திய இராணுவம் உழ வுயந்திர வண்டியில் பொருட்களை ஏற்றிச் செல்வதனை தாம் நேரில் இன்று பார்த்ததாக நாடாளுமன்ற உறுப்பினர் சுரேஸ் பிரேமச்சந்திரன் ஜீரீஎன்னிற்குத் தெரிவித்துள்ளார்.  ஏற்கனவே ஜனாதிபதி மகிந்தராஜபக்ஸ கிளிநொச்சி விஜயத்தின்போது  சொந்தக்காணிகளில் குடியேற்றுவதாக உறுதியளித்த போதும் அதனை மீறுவதாக தெரிவிக்கும் மக்கள் தாம் சாகுவரை உண்ணாவிரதப் போராட்டத்தை ஆரம்பிக்கவும் தயார் எனத் தெரிவித்துள்ளனர். அல்லது படையினர் தம்மைச் சுட்டுக் கொன்ற பின்போ நஞ்சூட்டிக் கொன்ற பின்போ இந்தக் காணிகளில் குடியேற முடியும் என மக்கள் தெரிவிக்கின்றனர்.   தொடர்புபட்ட செய்திகள்     31 May 10 04:28 pm (BST) கிளிநொச்சி, சாந்தபுரம் மக்கள் தொடர்ந்து கிளிநொச்சி மத்திய கல்லூரியில் தடுத்து வைக்கப்பட்டிருக்கிறார்கள்‐ சாந்தபுரத்தை கிளிநொச்சி மாவட்டத்திலிருந்து முல்லைத்தீவிற்கு மாற்ற முயற்சி‐GTN http://globaltamilnews.net/tamil_news1.php?nid=25143&cat=1 ஏ 9 வீதிக்கு கிழக்காக கிளிநொச்சி சாந்தபுரத்தில் இருந்து முல்லைத் தீவு வரை 2000 ஏக்கர் நிலம் ஆக்கிரமிக்கப்படுவது குறித்து இந்தியாவில் போராட்டங்கள் நடத்தப்படும் ‐ பழ நெடுமாறன் GTBC.FMற்கு விசேட செவ்வி http://www.globaltamilnews.net/tamil_news1.php?nid=25403&cat=1 3ஆம் இணைப்பு‐ஏ. 9 வீதிக்கு கிழக்காக சாந்தபுரம், செல்வபுரம், இந்துபுரம, முறிகண்டி பிரதேசங்களை உள்ளடக்கிய 4611ஏக்கர் நிலம் பறித்தெடுப்பு‐ மக்கள் பரிதவிப்பு‐GTN செய்தியாளர் 28 July 10 01:10 pm (BST) http://globaltamilnews.net/tamil_news1.php?nid=25344&cat=1  Thu, 29 Jul 2010 08:01:40 -0500 http://www.globaltamilnews.net/tamil_news.php?nid=27826 http://www.globaltamilnews.net/tamil_news.php?nid=27826     புலம்பெயர்ந்த தமிழர்கள் குறித்து அரசாங்கம் கடந்தகாலங்களில் எண்ணியது போல் தற்போது எண்ணவில்லை எனவும் தற்போது விடுதலைப்புலிகளுக்கு எதிரான புலம்பெயர் தமிழர்களும் இருக்கின்றனர் எனவும் இவர்களுடன் தொடர்புகளை ஏற்படுத்தும் முனைப்புகளில் கே.பி.அரசாங்கத்திற்கு கிடைத்த பெரும் சொத்து எனவும் அமைச்சர் கெஹெலிய ரம்புக்வெல்ல தெரிவித்தார். அரசாங்க தகவல் திணைக்களத்தில் இன்று நடைபெற்ற அமைச்சரவை முடிவுகளை அறிவிக்கும் ஊடகவியலாளர் சந்திப்பில்.ஊடகவியலாளர் ஒருவர் எழுப்பிய கேள்விக்கு பதிலளிக்கும் போதே அமைச்சர் இதனை குறிப்பிட்டார்.   கே.பி. த ஐலன்ட் பத்திரிகைக்கு நேர்காணல் ஒன்றை வழங்கியிருந்ததுடன் வடக்கு கிழக்கு அபிவிருத்;தி நிதியுதவிகளை வழங்குமாறு தமிழ் மக்களிடம் கோரிக்கை விடுத்திருந்தார். நிதியை அனுப்ப வேண்டிய வங்கி கணக்கு இலக்கத்தையும் அவர் வெளியிட்டிருந்தார்.இவர் கைதுசெய்யப்படும் போது பயங்கரவாத தலைவர், புலிகளின் சர்வதேச தலைவர், மற்றும் நிதிப் பிரிவின் பொறுப்பாளர் எனக் கூறப்பட்டது. இவ்வாறான ஒருவருக்கு எதிராக ஏன் சட்டத்தை அமுல்படுத்துவதில்லை என ஊடகவியலாளர் ஒருவர் கேள்வி எழுப்பினார்.   இதற்கு பதிலளித்த அமைச்சர், கே.பி. அரசாங்கத்துடன் இணைந்ததும் புலிகள் அமைப்பு இரண்டாக பிளவுப்பட்டதாக தெரிவித்தார். கே.பி தொடர்பில் அரசாங்கம் கையாளும் நடவடிக்கைகள், புலிகளின் சந்தேக நபர்கள் என தடுத்து வைக்கப்பட்டுள்ள 7 ஆயிரம் பேர் தொடர்பில் ஏன் கையாளப்படுவதில்லை எனவும் ஊடகவியலாளர் கேள்வி எழுப்பினார். அரசாங்கத்தின் இந்த நடவடிக்கை கால்வாய் உடும்பை, புற்றுடும்பாக மாற்றும் நடவடிக்கையல்ல எனவும் ஊடகவியலாளர் கேட்டார்.இதற்கு பதிலளித்துள்ள அமைச்சர் தேவைக்கு அமைய கால்வாய் உடும்பை, புற்றுடும்பாக மாற்ற வேண்டியேற்படும் நாட்டின் எதிர்காலத்திற்காக இவ்வாறான நடவடிக்கைகளை மேற்கொள்ள வேண்டியுள்ளது என குறிப்பிட்டார்.   யுத்தத்தின் பின்னர் தமிழ் மக்கள் இடையில் உறவுகளை கட்டியெழுப்ப அரசாங்கம் தொடர்ந்தும் முயற்சித்து வந்தது.கே.பி அரசாங்கத்துடன் ஏற்படுத்திக் கொண்ட தொடர்புகளை அடுத்து தமிழ் மக்களுடனான உறவுகள் சிறந்த முறையில் கட்டியெழுப்பட்டுள்ளன. போர் குற்றங்கள் தொடர்பில் கே.பியை அரசாங்கம் சாட்சியாளராக பயன்படுத்திக்கொள்ளும். கே.பியுடன் இணைந்து வடக்கு கிழக்கை அபிவிருத்தி செய்ய அரசாங்கம் எண்ணியுள்ளது. எனவும் கெஹெலிய ரம்புக்வெல்ல மேலும் குறிப்பிட்டுள்ளார். எந்தவொரு பயங்கரமான குற்றவாளியையும் அரசாங்கத்தின் சாட்சியாளராக அவரின் உதவியை பெற்றுக்கொள்ள நாட்டின் சட்டத்தில் இடம் உண்டு ‐ கெஹெலிய : 2010‐07‐29 06:25:46 எந்தவொரு பயங்கரமான குற்றவாளியையும் அரசாங்கத்தின் சாட்சியாளராக, அவரின் உதவியை பெற்றுக்கொள்ள நாட்டின் சட்டத்தில் இடம் இருப்பதாக ஊடகத்துறை அமைச்சர் கெஹெலிய ரம்புக்வெல்ல தெரிவித்துள்ளார். நாட்டின் எதிர்காலத்திற்காக மன்னிப்பு வழங்கி, நாட்டின் அடிப்படை சட்டத்தை மீறாத வகையில் இவ்வாறான நடவடிக்கைகளை மேற்கொள்ள முடியும் எனவும் ரம்புக்வெல்ல கூறியுள்ளார். அரசாங்க தகவல் திணைக்களத்தில் இன்று நடைபெற்ற அமைச்சரவை முடிவுகளை அறிவிக்கும் ஊடகவியலாளர் சந்திப்பில் அவர் இதனை குறிப்பிட்டுள்ளார்.   எனினும் கே.பி என்ற குமரன் பத்மநாதன் தொடர்பில் இப்படியான நடவடிக்கை எடுக்கப்படுமா என்பதை தன்னால் தற்போது கூறமுடியாது எனவும் ஊடகத்துறை அமைச்சர் கூறியுள்ளார். விடுதலைப்புலிகளின் சர்வதேச பொறுப்பாளர் செயற்பட்டு வந்த கே.பியை அரசாங்கம் தனது சாட்சியாளராக பயன்படுத்த உள்ளதாக வெளியாகியுள்ள தகவல்கள் தொடர்பாக ஊடகவியலாளர்  ஒருவர் எழுப்பிய கேள்விக்கு பதிலளிக்கும் போதே அமைச்சர் கெஹெலிய ரம்புக்வெல்ல மேற்கண்டவாறு தெரிவித்துள்ளார். Thu, 29 Jul 2010 13:32:46 -0500 http://www.globaltamilnews.net/tamil_news.php?nid=27825 http://www.globaltamilnews.net/tamil_news.php?nid=27825     மன்னார் மருதமடு புனர்வாழ்வு முகாமில் புனர்வாழ்வளிக்கப்பட்டு வரும் விடுதலைப்புலிகளின் உறுப்பினர்கள் தம்மிடம் இரகசியமான முறையில் மறைத்து வைத்திருந்த 17 கையடக்க தொலைபேசிகள் உட்பட பல உபகரணங்கள் மீட்கப்பட்டுள்ளதாக இராணுவப் பேச்சாளர் மேஜர் ஜெனரல் உபாய மெதவல தெரிவித்துள்ளார்.   சில கையடக்க தொலைபேசிகளை அவர்கள் தமக்கு தேவையான நேரத்தில் பயன்படுத்திய பின்னர் புதைத்து வைத்திருந்ததாகவும் அவர் கூறியுள்ளார்.   இந்த சம்பவத்துடன் தொடர்புடைய புலிகளின் சந்தேக நபர்கள் வெளிநாடுகளுக்கு அழைப்புகளை மேற்கொண்டுள்ளதாகவும் இவர்கள் தமது சர்வதேச வலையமைப்பினருக்கு தகவல்களை வழங்கியிருக்கலாம் எனவும் பாதுகாப்புத் தரப்பினர் சந்தேகம் வெளியிட்டுள்ளனர்.   தொலைபேசிகளில் எடுக்கப்பட்ட அழைப்புகள் தொடர்பாக விசாரணைகள் நடத்தப்பட்டு வருகின்றன. கையடக்க தொலைபேசிகளுடன் 14 சிம் அட்டைகள், 30 பற்றரிகள் மற்றும் 21 சார்ஜர்கள் என்பன கைப்பற்றப்பட்டுள்ளன எனவும் மெதவல குறிப்பிட்டுள்ளார்.   புனர்வாழ்வு முகாமின் அதிகாரிகள் மேற்கொண்ட தேடுதலில் இவை கைப்பற்றப்பட்டுள்ளன. அதேவேளை இது குறித்து இராணுவப் புலனாய்வுப் பிரிவினர் துரிதமான விசாரணைகளை ஆரம்பித்துள்ளதாகவும் இராணுவப் பேச்சாளர் குறிப்பிட்டுள்ளார்.   புனர்வாழ்வு முகாம்களில் உள்ள புலிகளின் சந்தேக நபர்கள் கையடக்க தொலைபேசிகளை வைத்திருப்பது தடைசெய்யப்பட்டுள்ளதாக  புனர்வாழ்வு ஆணையாளர் பிரிகேடியர் சுதந்த ரணசிங்க தெரிவித்துள்ளார்.   எனினும் ஒரு தொலைபேசியில் உள்வரும் அழைப்புகளுடன் தொடர்பு கொள்வதற்காக மாத்திரம் கண்காணிப்புடன் அவர்களுக்கு சந்தர்ப்பம் வழங்கப்பட்டு வருகிறது.   அதேவேளை தொழில்களில் ஈடுபடுத்தப்பட்டுள்ள புனர்வாழ்வளிக்கப்பட்டவர்களுக்கு கையடக்கதொலைபேசிகளை பயன்படுத்த அனுமதி வழங்கப்பட்டுள்ளது எனவும் ரணசிங்க கூறியுள்ளார்.   மருதமடு முகாமில் கையடக்க தொலைபேசிகள் கைப்பற்றபட்டுள்ளமை தொடர்பாக விசாரணைகள் நடைபெற்று வருவதாகவும் இந்த முகாமில் புலிகளின் முன்னாள் உறுப்பினர்கள் 500 பேருக்கு புனர்வாழ்வு பயிற்சிகள் வழங்கப்பட்டு வருவதாகவும் சுதந்த ரணசிங்க மேலும் கூறியுள்ளார். Thu, 29 Jul 2010 01:52:40 -0500 http://www.globaltamilnews.net/tamil_news.php?nid=27824 http://www.globaltamilnews.net/tamil_news.php?nid=27824   உலகில் முதல் தர மோசடியாளரும் பல்வேறு குற்றச்சாட்டுகள் சுமத்தப்பட்டுள்ளவருமான தாய்லாந்தின் முன்னாள் பிரதமர் தக்ஷின் சினவத்ராவுடன் இலங்கை அரசாங்கம் மேற்கொண்டு வரும் தொடர்புகள் குறித்து இராஜதந்திர தரப்பினர் உன்னிப்பாக அவதானித்து வருவதாக கூறப்படுகிறது. சினவத்ரா, தாய்லாந்தில் மேற்கொண்டுள்ள மோசடிகள் காரணமாக அவரை அந்நாடு, அவரை நாடு கடத்தியுள்ளதுடன் அவருடன் எவ்வித தொடர்புகளை பேண வேண்டாம் என உலக நாடுகளையும் கேட்டுக்கொண்டுள்ளது.   இந்த நிலையில் இலங்கை தக்ஷின் சினவத்ராவுடன் தொடர்புகளை பேணி வருவது தாய்லாந்து அரசாங்கத்தை அதிருப்தியடைய செய்துள்ளது. சினவத்ரா கடந்த 25 ஆம் திகதி தனிப்பட்ட விமானம் மூலம் இலங்கை சென்றிருந்ததுடன், அரசாங்கத்தின் முக்கியஸ்தர்களுடன் இரகசிய பேச்சுக்களை நடத்தியுள்ளதாக தகவல்கள் தெரிவிக்கின்றன.     தாய்லாந்தின் முன்னாள் பிரதமர் இலங்கை சென்று, கொழும்பின் நட்சத்திர விடுதியொன்றில் சுமார் 10 மணிநேரம் தங்கியிருந்தார்?     ஊழல் குற்றச்சாட்டு சுமத்தப்பட்டதையடுத்து நாடு கடத்தப்பட்டுள்ள தாய்லாந்தின் முன்னாள் பிரதமர் தக்ஷின் சினவத்ரா கடந்த 25 ஆம் திகதி இலங்கை சென்று, கொழும்பில் உள்ள நட்சத்திர விடுதியொன்றில் சுமார் 10 மணிநேரம் தங்கியிருந்தாக கட்டுநாயக்க விமான நிலையத் தரப்புத் தகவல்கள் தெரிவிக்கின்றன.   தற்போது கம்போடியாவின் பொருளாதார ஆலோசகராக பணியாற்றி வரும் சினவத்ரா, விசேட விமானம் மூலம் இலங்கை சென்றுள்ளார்.   இலங்கையில் உள்ள நிறுவனமொன்றின்; விசேட அழைப்பின் பேரில் அங்கு சென்றிருந்த சினவத்ரா கடந்த திங்கட்கிழமை சிசல்ஸ் சென்றுள்ளார். தக்சின் சினவத்ரா இதற்கு முன்னரும் இலங்கை விஜயம் செய்திருந்தார் எனத் தெரிவிக்கப்பட்ட போதிலும் இலங்கை அரசாங்கம் அதனை நிராகரித்திருந்தது. Thu, 29 Jul 2010 01:44:44 -0500 http://www.globaltamilnews.net/tamil_news.php?nid=27823 http://www.globaltamilnews.net/tamil_news.php?nid=27823  15 இலங்கை மீனவர்களையும் அவர்களது மூன்று மீன்பிடி வள்ளங்களையும் இந்திய காரையோரப் பாதுகாப்புப் பிரிவினர் கைது செய்துள்ளனர். இந்திய கடற் பரப்பில் அத்து மீறி மீன்பிடியில் ஈடுபட்டிருந்த வேளையில் குறித்த இலங்கையர்கள் கைது செய்யப்பட்டுள்ளனர்.தமிழகத்தின் கன்யாகுமாரிக்கு தென் கிழக்கு பகுதியில் குறித்த மூன்று படகுகளும் அத்து மீறி மீன்பிடியில் ஈடுபட்டு வந்ததாகத் தெரிவிக்கப்படுகிறது. குமுதுமாலி, ராமானி மற்றும் பொம்பி குமார் ஆகிய மீன் பிடிப் படகுகளே இவ்வாறு இந்திய கரையோரப் பாதுகாப்புப் பிரவினரால் கைப்பற்றப்பட்டுள்ளன. கைது செய்யப்பட்ட மீனவர்கள் காவல்துறையினரிடம் ஒப்படைக்கப்பட்டுள்ளதாகத் தெரிவிக்கப்படுகிறது.  Thu, 29 Jul 2010 01:15:20 -0500 http://www.globaltamilnews.net/tamil_news.php?nid=27822 http://www.globaltamilnews.net/tamil_news.php?nid=27822  வெளிநாட்டில் பணியாற்றி வரும் சகல இலங்கையர்களுக்கும் ஓய்வூதியம் வழங்குவது குறித்து கவனம் செலுத்தப்பட்டு வருவதாகத் தெரிவிக்கப்படுகிறது. ஓய்வூதியத் திட்டம் தொடர்பில் சவூதி அரேபியாவில் கடமையாற்றி வரும் இலங்கையர்களுக்கு ஏற்கனவே விளக்கம் அளிக்கப்பட்டு வருவதாகக் குறிப்பிடப்படுகிறது. சமூகப் பாதுகாப்பு சபையினால் இந்தத் திட்டம் முன்னெடுக்கப்பட உள்ளதாகத் தெரிவிக்கப்படுகிறது. 2015ம் ஆண்டளவில் நாட்டின் சகலருக்கும் ஓய்வூதியம் வழங்கும் நோக்கில் நடவடிக்கை எடுக்கப்பட்டு வருவாக சமூகப் பாதுகாப்புச் சபையின் தலைவர் நிமால் அமரசிங்க தெரிவித்துள்ளார். மூன்று வகையான ஓய்வூதியத் திட்டங்கள் அறிமுகப்படுத்தப்பட உளளதாகத் தெரிவிக்கப்படுகிறது.  Thu, 29 Jul 2010 01:17:30 -0500